Æfingavikan

Það er gaman að mæla sig.  Hér eru screenshot úr connect.garmin.com sem sýna hreyfingu vikunnar.  Í þessu eru hjólreiðar til og frá vinnu, tvær BootCamp æfingar og ein lyftingaæfing.

Hér er nánara niðurbrot:

Neðsta æfingin er fokkt. Kunni ekki almennilega á tækið.  Inni í æfingunni eru hjólreiðar og BC æfing. Vegalengdin er út úr kú en tíminn er réttur.

Það hefur ótrúlega hvetjandi áhrif að geta skoðað svona statistík.

Fyrir forvitna má gramsa í þessu hér

Nordsjörittet 2011

Aldrei hef ég verið keppnismaður í íþróttum. Ef frá eru talin tvö Reykjavíkurmaraþon (10km), eitt Brúarhlaup (10km) og nokkur skólamót í handbolta með B liði 5 flokks Völsungs back in the day er keppnisferillinn enginn.

Ekki stefni ég á að verða mikill keppnismaður heldur, enda líklega full seint í rassinn gripið núna verandi hálffertugur, hárlaus (á höfðinu, ekki á bakinu) og með bumbu. Samt, það er gaman að vera með, keppa við sjálfan sig. Enn skemmtilegra er að vera með og keppa við bróður sinn (líka hárlaus á höfðinu og með bumbu, veit ekki með bakið).

Þessvegna bað ég hann að skrá mig með í keppnislið Personalhuset í Nordsjörittet 2011. Færri komast að en vilja, þannig að um miðjan janúar verður dregið úr skráningum og þá kemur endanlega í ljós hvort ég fæ að vera memm.

Nordsjörittet er ca 85 km keppni á blönduðu undirlagi. Mestmegnis er hjólað á malarvegum, en eitthvað á malbiki líka. Þessi keppni er orðinn einn af fjölmennustu hjólreiðaviðburðum Noregs og er pláss fyrir 12000 keppendur á næsta ári. 12000 er sæmilegur fjöldi og má búast við töluverðu kraðaki við rásmark.

Ég, í öllum mínum nördaskap er búinn að liggja yfir þessu, þó í raun sé allsendis óvíst hvort af verður. Er meira að segja farinn að spá í hvernig hjól ég eigi að kaupa mér…..sækó!

Smá myndband:

Hraustur

Garmurinn testaður á Jeppanum

Skrapp smá hring um Heiðmörkina á Jeppanum.  Testaði nýja fína Garminn í leiðinni.  Smá viðbrigði að fara af Drekanum yfir á Jeppann, enda ruddalega gróf nagladekk undir gripnum. Komu sér þó vel í dag.  Það var hrikaleg hálka.

http://connect.garmin.com:80/activity/embed/57419325